Qaybta Dib-u-habeynta Waaxda Difaaca (DSR) waxay taageertaa hoggaanka Hawlgalka Qaramada Midoobay iyada oo dejinaysa guudmarka cad ee saxda ah ee ku saabsan awoodda militariga Soomaaliyeed, iyadoo lagu eegayo guud ahaan qaab-dhismeedka ballaaran ee waaxda amniga.
Qaybta DSR waxay siisaa hoggaanka Hawlgalka falanqeyn istiraatiiji ah iyo aragti hawlgal oo ku saabsan dhacdooyinka saameynta ku yeesha qaab-dhismeedka siyaasadda/militariga, iyadoo si gaar ah diiradda u saaraysa saameynta go’aannada militariga ay ku leeyihiin siyaasadda (iyo lidkeeda).
DSR waxay taageertaa horumarinta awoodda iyo dhisidda kartida Ciidamada Qalabka Sida ee Qaranka Soomaaliyeed, iyadoo isku-duwaysa saaxiibada caalamiga ah iyo daneeyayaasha amniga, iyada oo loo marayo goleyaal ka jira heerarka istiraatiijiga, hawlgalka, iyo xeeladaha ah.
DSR waxay ka shaqaysaa horumarinta xiriirro shaqo oo xooggan oo waara oo ay la yeelato Wasaaradda Gaashaandhigga Soomaaliya iyo Ciidamada Qalabka Sida ee Qaranka Soomaaliyeed, si kor loogu qaado nabadda, xasilloonida, maamul-wanaagga, iyo horumar waara, iyadoo la waafajinayo Qorshaha Horumarinta Amniga Soomaaliya iyo Qaab-dhismeedka Qaranka ee Amniga.